ကျွန်တော် သူမကို သတိရသည်။ထို.ကြောင့် ဤစာကို ရေးမိခြင်းဖြစ်သည်။ဤစာကိုရေးဖြစ်ဖြစ် မဖြစ်ဖြစ် သူမကို သတိရသည်ကတော့ အမှန်ပင်ဖြစ်သည်။သူမကို သတိရသောကြောင့် ရေးထားသော ဤစာတွင် သူမအကြောင်းများဖြင့်သာ ပြည်.နှက်နေမည်မှာ ယုံမှားဖွယ်မရှိ။စာရှုသူ သောက်မြင်ကပ်လောက်အောင် အကြောင်းရာများ ထပ်နေမည်မှာလည်း အသေအချာပင်။
ကျွန်တော် သူမကို သတိရသည်။တကယ်တော့ သူများတွေလို "လွမ်းတယ်" ဟူ၍ ကဗျာဆန်ဆန် ရေးချင်သော်လည်း "လွမ်းတယ်" ဆိုတာ ဘာကိုဆိုလိုမှန်းမသိ၍ ရိုးရိုးရှင်းရှင်း လွယ်လွယ်ကူကူ ထိထိရောက်ရောက်ဖြစ်အောင် "သတိရသည်" ဟူ၍သာ သုံးလိုက်ရပေသည်။
ကျွန်တော်သူမကို သတိရသည်။ဒါကို သူမ သိချင်သိပေလိမ့်မည်။သိချင်မှလည်း သိလိမ့်မည်။သူမ သိသိ၊ မသိသိ ကိစ္စမရှိ။ကိစ္စရှိတာက ကျွန်တော် သူမကို သတိရနေခြင်းသာဖြစ်သည်။တကယ်လည်း သတိရပါသည်။အဟုတ် သတိရပါသည်။
ကျွန်တော် သူမကို သတိရသည်။ညအခါ ကြယ်လေးတွေကို ကြည်.ရင်း သူမကိုသတိရသည်။သူမသည် ကောင်းကင်၌ လင်းလက်ဖြူစင်နေသော ကြယ်လေးတစ်ပွင့်ဖြစ်၍ ကျွန်တော်သည် ကြယ်လေးကို ငေးမော မျှော်လင့်နေသော အညတြကောင်လေး တစ်ယောက်သာဖြစ်သည်။
ကျွန်တော် သူမကို သတိရသည်။ကျွန်တော့ဘေးနားက ညလေညင်း ဖြက်တိုက်သွားတဲ.အခါ သူမကို သတိရသည်။သူမသည် ကျွန်တော် ဖမ်းဆုပ်မရနိုင်သော လေညင်းအေးအေးလေး ဖြစ်သည်။ကျွန်တော်၏ ညများစွာအတွက် ထိုလေးညင်းလေးကို ငတ်မွတ်စွာ တောင့်တမိပါသည်။
ကျွန်တော် သူမကို သတိရပါသည်။ည အိပ်ရာဝင်ခါနီးတိုင်း သူမအကြောင်းကို သတိရစွာ စဉ်းစားမိသည်။သူမသည် အခါများစွာ ကျွန်တော်၏ အိပ်မက်များထဲကို ၀င်ရောက်လာတတ်သော နက်သမီးလေး တစ်ပါးဖြစ်သည်။အကယ်၍ အိပ်မက်ကိုသာ စိတ်တိုင်းကျ ရွေးချယ်မက်ခွင့်ရမည်ဆိုလျှင် သူမကို ညစဉ်ညတိုင်း ကျွန်တော့၏ အိပ်မက်များ၌ ထည်.သွင်းမက်မည်မှာ မလွဲပေ။
ကျွန်တော် သူမကို သတိရသည်။မနက်ခင်း စက္ကုနှစ်ကွင်းပွင့်ကတည်းက အာရုဏ်ဦးအလင်းတန်းများနဲ. ကျွန်တော်၏ စိတ်ထဲ ဦးစွာဝင်ရောက်လာသည်မှာ သူမသာဖြစ်သည်။ကျွန်တော် ရှုရှိုက်လိုက်တဲ. သန်.ရှင်းလက်ဆက်သော မနက်ခင်းလေပြေသည် သူမဖြစ်သည်။ အလင်းငှက်၏ တေးသံသည် သူမဖြစ်သည်။ဖူးပွင့်စ စံပယ်ရုံမှ သင်းပျံ.လာသော မွှေးမြမြရနံ.သည် သူမဖြစ်သည်။
ကျွန်တော် သူမကို သတိရပါသည်။ကော်ဖီသောက်ရင်း၊ ဘက်စ်ကားစီးရင်း၊ လမ်းလျှောက်ရင်း၊ ထိုင်နေရင်း၊ လမ်းလျှောက်ရင်း၊ ....ရင်း ၊ ...ရင်း..... သတိရပါသည်။
ကျွန်တော် သူမကို သတိရသည်။တစ်ခါတစ်ရံ တကူတက သတိရလိုက်၍ များသောအားဖြင့် အလိုလိုနေရင်း သတိရနေတတ်သည်။
ကျွန်တော် သူမကို သတိရပါသည်။အခုလည်း သတိရနေသည်။ သင်ဒီစာပိုဒ်ငယ်အား ဖတ်ရှုနေသောအချိန်တွင်လည်း သတိရနေမည်မှာ အမှန်ပင်ဖြစ်သည်။
Friday, May 15, 2009
သတိရခြင်း ပစ်စာ
Posted by Mg Japoe at 4:10 AM
Subscribe to:
Post Comments (Atom)
0 comments:
Post a Comment